Home Wararka Maanta Xildhibaano Labada Aqal ka tirsan oo gaaray Dhuusamareeb (SAWIRRO)

Xildhibaano Labada Aqal ka tirsan oo gaaray Dhuusamareeb (SAWIRRO)

Xildhibaano ka tirsan Labada Aqal ee Baarlamaanka Somaliya ayaa waxay maanta gaareen Magaalada Dhuusamareeb ee Xarunta Gobolka Galgaduud.

Xildhibaanadan oo ka amba baxay Garoonka Aadan Cadde ee Magaalada Muqdisho ayaa waxaa lagu soo dhaweeyay Garoonka Ugaas Nuur ee Magaalada Dhuusamareeb.

Xildhibaanada ayaa waxaa ku jira xubno ka mid ah Ururka Haweenka ee Baarlamaanka Somaliya, waxayna Magaalada Dhuusamareeb u taggeen arrimo la xiriira Doorashooyinka Galmudug.

Xarunta Maamulka Galmudug ee Magaalada Dhuusamareeb ayaa waxaa Isniintii ka bilaabatay xaraynta Odayaashaa Dhaqanka, ee lagu wado inay soo xulaan Xildhibaanada Baarlamaanka xigga.

Daba-yaaqada bishan ayaa waxay Dowladda Federaalka Somaliya qorsheynaysaa in la qabto Doorashada Madaxtinimada Galmudug, waaba haddii lagu heshiiyo.

Dhinacyada Siyaasadda Dalka ayaa waxay ku loolami doonaan Doorashooyinka Baarlamaanka & Madaxtooyada Galmudug.

SHARE